Kumanovë, largohen banorët nga “ Lagjia e trimave” , situata e tensionuar

Banorët e lagjes së Trimave, u ngritën mëngjesin e sotëm nga krismat , pasi që nga ora 5 e mëngjesit policia po zhvillon përleshje me një grup të armatosur.  

 

Gjendje e tensionur, ka mbretëruar gjatë tër ditës, ndërsa të shtënat me armë zjarri nuk janë ndalur.

 

Evakuimi i  banorëve filloi në orët  e pasditës. Ndërsa banorët e “Lages së Trimave” dhe familjarët e tyre  që prisnin  në hyrje të tregut prej ku ishte e bllokuar lëvizja drejt kësaj lagjeje, bashk me mediat shpreheshin të shqetësuar për atë që po ndodh.

 

 

 

Punktet policore të vendosura në hyrjet të Lagjes Së trimave janë të shoqeruara dhe me ekipet  e ndihmës së shpejt. Qasje deri te vendi ku po zhvillohen përleshjet e armatosura kanë vetëm policia dhe mjekët.  

                                                            

Banorët e  Kumanovës të mbledhura para punktëve policore disa here u konfrontuan verbalisht me pjesëstarët e policisë, duke kërkuar menjëherë të ndërpriten të shtënat me arrmë  dhe  të evakuohen banorët e tjerë të mbetura në këtë lagje. Depitetet e BDI-së nga zona  e Kumanovës Mervan Xhemaili dhe Rexhail Ismail  apeluan te qytetarët për qetësi, ndërsa mediat të jenë të kujdesshme gjat informimit të tyre për situatën në fjalë.      

                                                                                       

Një pjesë e rrugëve kryesore në  Kumanovë vazhdojnë të jetë të  bllokuara, ndërsa autostrada kryesore Shkup- Kumanovë është e lejueshme për qarkullimin e automjeteve.

 

 Nderkohë Serbia ka dërguar forca shtesë policore në kufi me Maqedoninë. Kjo është konfirmuar nga zyrtarë të Ministrisë së Brendshme serbe, prej ku është njoftuar se në një stacion të policisë në jug të Serbisë ka shkuar edhe ministri serb i Mbrojtjes, Nebojsha Stefanoviq.

 

 Kryeministri i Serbisë, Aleksandar Vuçiq, për shkak të zhvillimeve në Maqedoni, ka thirrur për nesër një takim të Byrosë së Koordinimit të Shërbimeve.