Botë
Korea e Jugut përfshihet nga zjarri, shkrumbohet tempulli i lashtë budist
26.03.2025 11:43
Të paktën 18 persona kanë humbur jetën dhe 19 janë plagosur pasi zjarret e Koresë së Jugut vazhdojnë të shkatërrojnë juglindjen e vendit...
Të paktën 18 persona kanë humbur jetën dhe 19 janë plagosur pasi zjarret e Koresë së Jugut vazhdojnë të shkatërrojnë juglindjen e vendit. Të dhënat e publikuara në mediat ndërkombëtare i referohen Ministrisë së Brendshme dhe Sigurisë së vendit.
Më shumë se 23,000 njerëz janë evakuuar dhe disa objekte kulturore të trashëgimisë janë shkrumbuar, duke përfshirë një tempull të lashtë budist 1,300-vjeçar. Rreth 17,000 hektarë pyje janë shkatërruar, duke i bërë zjarret të tretat më të mëdhenj në historinë e Koresë së Jugut për sa i përket sipërfaqes.
Mijëra zjarrfikës dhe rreth 5000 personel ushtarak janë vendosur për të kontrolluar flakët e shumta, si dhe helikopterë nga ushtria amerikane e vendosur në Kore. Zjarret e egra janë relativisht të rralla në Korenë e Jugut dhe vdekjet e lidhura me to janë të rralla. Zjarret aktuale, që kanë vrarë 18 persona gjatë ditëve të fundit, janë më vdekjeprurësit në historinë e vendit.