Siguria në shkollat, Janevska: Planifikohet trajnimi i arsimtarëve

 

“Marrëveshja fillestare është si vijon. Ne fillimisht duhet t’i trajnojmë arsimtarët të dinë se si të veprojnë në situata të tilla dhe njohuritë e tyre t’ua përçojnë nxënësve. Me rëndësi është që procesi ka filluar dhe do të vijojë përderisa të përfundojë në tërë territorin e vendit.”, - deklaroi ministrja e Arsimit, Vesna Janevska.

 

 

Nxënësit mësojnë në shkolla të sigurta. Kështu vlerëson kryetari i Bashkësive të Njësive të Vetëqeverisjes Lokale dhe kryetari i komunës së Kisella Vodës, Orce Gjorgjievski, sipas të cilit, opinioni publik dhe prindërit duhet të jenë të sigurtë, nuk ka vend për panik dhe frikë. Të gjitha mangësitë e evidentuara do të rregullohen në bashkëpunim me komunat. 

 

“Gjithçka që është evidentuar si mangësi, nëse ka zorrë që duhet të  ndërrohet për shkak të vjetërsimit, nëse ka lëshime si moskryerje e kontrolleve të rregullta në një shkollë të caktuar, kjo nuk duhet të ndodhë në të ardhmen, do të eliminohet me shpejtësi nga autoritetet vendore në bashkëpunim me drejtorët e shkollave dhe shërbimet komunale.”, - theksoi kryetari i BNjVL-së, Orce Gjeorgjievski.

 

Gjorgjievski potencoi se do të angazhohet që kontrollet e rregullta të hidrantëve bëhen të detyrueshme së paku një herë në vit, në përputhje me ligjin dhe të mos i lihet kjo punë vullnetit të mirë të kryetarit apo shërbimeve.