Tërmet në Mianmar, Tajlandë dhe Kinë, janë raportuar viktima dhe të zhdukur

 

"Isha ulur në karrigen kur papritmas gjithçka filloi të lëvizte, godita kokën. Kjo nuk është hera e parë që ndjeva një tërmet këtu, më kujtohet ai i vitit 2004 kur ndodhi cunami dhe tërmeti në Sumatra, pastaj ndërtesa u lëkund për gati 30 minuta, por asnjëherë aq e fortë sa tani.", - tha një amerikane në Bangkok, Deborah Panmachet.

 

Kryeministri i Tajlandës, Shinauatra, e shpalli qytetin zonë emergjence. Ai u bëri thirrje qytetarëve të qëndrojnë të qetë.

 

"Kryeministri po kthehet menjëherë në Bangkok dhe po i kërkon publikut të shmangë ndërtesat e larta, të përdorë vetëm shkallët dhe të qëndrojë i qetë. Të gjitha agjencitë qeveritare janë informuar dhe shkollat janë udhëzuar që t'i dërgojnë fëmijët në shtëpi herët.", - tha zyra e kryeministrit në një deklaratë.

 

Edhe turistët dëshmuan për kaosin e paprecedentë.

 

"Isha në qendër tregtare kur krejt papritur e gjithë ndërtesa filloi të lëvizte. Kishte ulërima dhe panik, njerëzit vraponin në drejtime të ndryshme, dëgjonim krismat e objekteve që binin.", - u shpreh turisti, Fraser Morton.

 

"Isha ulur në lokal dhe papritmas ndjeva një lëvizje, pastaj të gjithë ishin në rrugë. Njerëzit po bërtisnin, pashë ndërtesën duke u lëkundur dhe uji që derdhej prej saj, pastaj më kapi vërtet paniku.", - tha turisti nga Anglia, Paul Vinsent.

 

Në Mianmar është shpallur gjendja e jashtëzakonshme, por qasja në informacion është e vështirë, për shkak të sundimit të juntës ushtarake. Pas regjistrimeve në rrjetet sociale, vërehen dëme të mëdha në rrugë, duke përfshirë edhe urën që u shembur Ava – më e famshmja dhe më e gjata në vend. Sipas njoftimeve paraprake, lëkundjet e para kanë qenë në një thellësi prej 10 kilometrash. Mediat raportojnë se është ndjerë edhe në Bangladesh, Indi dhe Laos.