Putini shpërfillë thirrjet e Trumpit, vazhdojnë bombardimet ruse mbi Ukrainë

 

“Ndërmjet orës 2 dhe 6 të mëngjesit, rusët sulmuan zonën industriale gjashtë herë. U goditën magazina dhe një shtypshkronjë. Si pasojë e shpërthimeve janë plagosur janë punonjës të këtyre ndërmarrjeve, të cilët janë këtu në vendngjarje. Dy nga krimet e luftës kanë një reagim të rëndë. Do të hetohen sipas pjesës 1, neni 438 i Kodit Penal të Ukrainës. Është shënjestruar edhe një kopsht fëmijësh.”, u shpreh prokurori rajonal i Kharkitit, Dmytro Çubenko.

 

“Sa i përket të plagosurve, tani janë shtatë persona në spital. Njëri prej tyre është një fëmijë - një vajzë 16-vjeçare. Ajo është në gjendje të vështirë. Ka edhe të vdekur.”, u shpreh kreu i administratës ushtarake rajonale, Oleh Syniehubov.

 

“Ajo që ndodhi ishte se bastardët rusë erdhën dhe na goditën me dronë Shahed. Dëmtuan shtëpitë. Një, dy, e me radhë.. edhe makinat. Në këtë shtëpi jetonte Oleh, i cili tani nuk është më.”, u shpreh një banor lokal.

 

“Ishte një shpërthim i madh, gjithfarë gjërash fluturonin mbi kokat tona. Ne humbëm shikimin dhe dëgjimin për një moment. Duhet të bërtisnim për të komunikuar me njëri-tjetrin. Unë u bërtita punonjësve të mi, djema, a jeni gjallë? Ne ishim shumë të afërt, por nuk mund ta dëgjonim apo ta shihnim njëri-tjetrin.”, u shpreh pronari i një kafeneje.

 

Prej disa javësh është propozimi amerikan për ndërprerjen e luftimeve, por Putin nuk po çan kokën për diplomacinë dhe dëshiron të vazhdojë konflikti thotë presidenti ukrainas Zelnski. 

 

“Presim që SHBA-të Evropa dhe të gjithë partnerët tanë të cikët me të vërtetë kërkojnë paqe dhe siguri të garantuar ti shfrytëzojnë të gjitha mjetet e nevojshme dhe të bëjnë presion ndaj Putinit që diplomacia të ketë sukses dhe të shpëtohen jetën e njerëzve.”, tha presidenti i Ukrainës, Volodimir Zelenski.

 

Uashingtoni dhe Moska aktualisht janë në diskutime mbi projektet që lidhen me mineralet e rralla ruse. Vladimir Putin u shpreh se SHBA-ja mund të jetë e interesuar për të bërë  kërkime të përbashkëta për depozitat e mineralet e rralla në Rusi, e cila ka rezervat e pesta më të mëdha në botë të metaleve të përdorura në lazer dhe pajisjet ushtarake, por deri tani nuk është nënshkruar asnjëlloj dokumenti, njoftoi zëdhënësi i Kremlinit.