Takimi Mickoski – Filipçe, BDI: Qeveria po merr formë monoetnike

 

“Në skenën publike do të na demonstrohet koalicioni monoetnik, që ka për qëllim thelbësor të riformatojë modelin politik të shtetit – nga një demokraci multietnike, në një demokraci monoetnike. Edhe pse në opinion do të prezantohen pika të tjera, na lejoni t’ju prezantojmë rendin e ditës së takimit të sotëm – atë që nuk do ta dëgjoni në publik: Mosndëshkueshmëria dhe largimi i shqiptarëve nga të gjitha vendimmarrjet politike.”, thuhet në komunikatën e BDI-së.

 

BDI i bën thirrje gjithë spektrit politik dhe jo politik shqiptar në vend, përfshirë edhe liderët e koalicionit VLEN, që së bashku ose secili veçmas, të shprehin qartë dhe fuqishëm revoltën ndaj këtij tentimi, për siç thonë, riformatim të shtetit. 

 

 

 

“Si të përkëdhelurit e LSDM-së, kjo klikë e humbur e BDI-së qartazi nuk mund ta kapërdijë dot faktin se Venko Filipçe po i braktis në mes të rrugës. Më në fund duhet ta kuptojnë se pikërisht për shkak të sundimit të tyre të zhytur në krim, VMRO-DPMNE fitoi 58 deputetë në zgjedhjet parlamentare të vitit të kaluar. Në vend që të merren me shpifje dhe sulme ndaj koalicionit VLEN, ne edhe njëherë i ftojmë publikisht të ndalin përhapjen e gënjeshtrave dhe manipulimeve.”, thuhet në komunikatën e koalicionit VLEN.

 

Partneri qeverisës shqiptar shton se nuk ka plane publike apo sekrete për të larguar shqiptarët nga askund, por se ka vetëm frikë patologjike të BDI-së nga përgjegjësia para drejtësisë për ish-zyrtarët e tyre, të cilët sipas tyre, për dekada u pasuruan mbi shpinën e popullit shqiptar.