Avionët luftarakë izraelitë sulmojnë aeroportin ushtarak në Siri, shkaktojnë dëme materiale

Avionët luftarakë izraelitë kanë vënë në shënjestër aeroportin ushtarak në Hama të Sirisë, duke shkaktuar dëme të shumta materiale.

Kanali në Telegram i qytetit sirian Hama raportoi dje se avionët luftarakë të okupuesit izraelit shënjestruan Aeroportin Ushtarak të Hamas dhe rrethinat e tij me më shumë se 15 sulme ajrore.

Nga atje njoftuan se dëmi ishte i kufizuar në dëme materiale.

Në orët e fundit, ushtria izraelite tha se ajo kreu sulme ajrore duke vënë në shënjestër “aftësitë e mbetura ushtarake në zonat e Hamas dhe bazën ajrore T4 në Homs, si dhe disa infrastruktura ushtarake të tjera në zonën e Damaskut”.

Ushtria izraelite gjithashtu nisi një ofensivë tokësore në Daraa të Sirisë jugore, ku sipas autoriteteve lokale u vranë të paktën nëntë persona.

Pas rënies së regjimit të Bashar al-Assadit në muajin dhjetor, Izraeli zgjeroi pushtimin e Lartësive të Golanit në Siri, duke pushtuar zonën mbrojtëse të çmilitarizuar, një veprim që shkeli marrëveshjen e shkëputjes të vitit 1974 me Sirinë.

Sipas raportimeve, Izraeli përfitoi nga rënia e regjimit duke nisur qindra sulme që shënjestronin objektet dhe asetet ushtarake në të gjithë Sirinë, përfshirë avionët luftarak, sistemet raketore dhe instalimet e mbrojtjes ajrore.