Sofje, Procesi i Akabës për Ballkanin, diskutohet siguria e Evropës Juglindore

Delegacione nga 30 vende të Ballkanit, Lindjes së Mesme dhe Evropës, në kuadër të takimit të  nivelit të lartë të Procesit të Akabës për Ballkanin, diskutojnë sfidat që i referohen sigurisë së Ballkanit, ndër tjerash, luftës kundër terrorizmit, migrimit të paligjshëm dhe radikalizmit.

Në takim merr pjesë edhe presidentja e shtetit, Gordana Siljanovska Davkova, të cilës i është rezervuar fjalim në sesionin lidhur me identifikimin e  kërcënimeve. Nikoqirët mikpritës të konferencës në Sofje janë presidenti, Rumen Radev, dhe Mbretit Abdullah II i Jordanisë.

“Bullgaria është anëtare aktive e NATO-s dhe BE-së dhe bën hapa aktivë në përforcimin e besimit, bashkëpunimit dhe fqinjësisë së mirë në Ballkan dhe Evropë. Përgjegjësi e dy vendeve tona për çështjen e sigurisë në këto dy rajone kryesore, na bën shumë të afërt dhe na mundëson që të punojmë bashkërisht dhe të gjejmë zgjidhje të përbashkët.”, - deklaroi presidenti i Bullgarisë, Rumen Radev.

“Me liderët ballkanikë mund të bisedojmë për shumë sfida, ta përforcojmë dhe zhvillojmë bashkëpunimin mes vendeve dhe rajoneve. Vendin tuaj e shohim si shtyllë të forcës në rajon, por edhe si zë urtësie në NATO dhe BE.”, - theksoi Mbreti i Jordanisë, Abullah II.

Konferenca e Procesit të Akabës, që organizohet e mbyllur pa prezencë të mediave, është një seri takimesh ndërkombëtare të iniciuara për herë të parë nga Mbreti Abdullah II i Jordanisë në vitin 2015. (Nermin  Mulaki Fejzullahu, TVM2)