Vdekja e Vedat Ademit, Taravari: T’i merret licenca mjekut

 

 

“Ministria veç më i ka propozuar Odës së Mjekëve për t’i marrë licencën mjekut që ka qenë atë natë kujdestar, gjithashtu komplet materiali edhe i mjekësisë ligjore është dërguar në Prokurori para një javësh.”, - deklaroi ministri i Shëndetësisë, Arben Taravari.

 

Tragjedia në Koçan, 5 pacientë dalin nga spitali

 

Ministri Taravari po ashtu informoi se gjendja e pacientëve që po trajtohen në spitalet e vendit është duke u përmirësuar dhe 5 pacientë lëshohen në shtëpi.

 

“Prej 193 pacientëve që u trajtuan dhe e kaluan tragjedinë e Koçanit mbeten vetëm 78 pacientë që trajtohen këtu në Shkup dhe jashtë vendit. Në Shkup janë 14 pacientë prej të cilëve 5 lëshohen në shtëpi se janë në gjendje të mirë dhe mbeten vetëm 9 pacientë që shërohen në Shkup nëpër spitale.”, - theksoi ministri i Shëndetësisë, Arben Taravari.

 

Ministri Taravari tha se 6 pacientë që u trajtuan jashtë vendit nga tragjedia në Koçan do të kthehen në vend, pasi që janë në gjendje stabile shëndetësore, ndërsa 69 mbeten për t’u trajtuar jashtë vendit dhe 3 pacientë ende janë në gjendje kritike.