Rama: Dallimet në “VLEN” nuk janë ideologjike

 

“Çdo çregullim politik nuk duhet ta gëzoj asnjë oponenti politik, pozitës apo opozitës, sepse elektorati shqiptarë po kërkojnë një farë mënyre një lloj kauze, dhe janë të vetëdisuar në bazë të asaj që kërkesat e tyre politike nuk do të jenë diskurset lokale politike, por problemeve reale politike… Prandaj cdo nivel i tillë debativ është pjesë e zhvillimit pluralistik politiko-partiak, pra normalisht që këto tendenca, ose keqkuptimet ose mos pranimin e një ideje të përbashkët brenda koalicionit janë elemente të demokracisë, dhe të gjitha këto elemente të demokracisë duhet të shteren në formatin e debatit sa më argumentues, dhe mendje këto do të realizohen në frymën e vlerave më reale politike.”, tha profesori universitar Ariton Rama.

 

 

Sa i përket idesë që vendi së bashku me zgjedhjet lokale ti mbahen edhe Zgjedhje të parakohshme Parlamentare, Profesori Rama thotë se kjo praktikë deri më tani vetëm njëherë është realizuar në vend, dhe nuk ka prodhuar diçka të mirë.

 

“Zgjedhjet e Parakohshme me zgjedhjet lokale nuk po shoh vullnet total politik, VLEN-nin nuk po e shoh te gatshme, apo nuk po shpreh gatishmërinë për zgjedhje te Parakohshme, edhe LSDM-ja po ashtu, por edhe thirrjet për gatishmëri nga VMRO-ja, vërehet se strukturat e brendshme nuk e kanë këtë vullnet politik, përveç se të Fronti Europian e ka shprehur gatishmërinë që si strukturë opozitare të realizohen edhe zgjedhjet e parakohshme. Por unë mendoj se duhet te fokusohemi te zgjedhjet lokale.”, u shpreh Rama.

 

Sipas njohësve të zhvillimeve politike, zgjedhjet lokale e kanë rëndësinë e tyre, dhe si të tilla duhet të trajtohen, sepse janë zgjedhje të cilat prekin përditshmërinë e çdo individi.