Koçoska, ulje të tarifave doganore me ndryshime në ligj

 

 

“Sigurisht që bëhet fjalë për gabime dhe nuk janë tarifat doganore që ne i kemi. Ja këtu është drejtori , mund t’ju tregojë se edhe sipas tarifave individuale që do t’i shikoni në RMV, nuk ekziston tarifë doganore prej 65%, dhe mendoj se ato janë të dhëna të disponueshme publikisht. Edhe ju vetë mund t’i shikoni dhe të shihni se nuk kemi tarifa doganore aq të larta. Situata është e ndërlikuar në lidhje me atë që ne nuk kemi të nënshkruar marrëveshje për tregëti të lirë  me SHBA-të ,. Po punojmë në një mënyrë që të arrijmë të nënshkruajmë një marrëveshje të tillë”, u shpreh ministrja e Financave, Gordana Dimitrieska-Koçoska. 

 

Ende nuk është saktësuar se në cilën pjesë saktësisht do të ketë ulje, por çdo vend mbron prodhimin vendas, thotë ministrja e Financave. Sipas saj  tregtia me SHBA-në është nën një për qind ose gjithsej 314 milionë euro vitin e kaluar. Ajo siguron se nuk do të ketë efekte të drejtpërdrejta nga tarifat e paralajmëruara prej 33 për qind nga administrata amerikane ndaj Maqedonisë. Nga LSDM thonë se deklaratat e qeverisë janë kaotike dhe joserioze.

 

“Vendimi i SHBA-ve për të vendosur tarifë prej 33% për Maqedoninë, që është ndër më të lartat në Evropë, është edhe një disfatë për qeverinë e udhëhequr nga Mickovski dhe VMRO-DPMNE-ja, si dhe politika e saj e jashtme. Deklaratat spektakolare se kanë hyrë në “perimetrin apo optikën” e administratës së re amerikane, ranë në ujë”, thuhet në kumtesëm e LSDM-së. 

 

Ndërkohë, të dhënat nga Ministria e Ekonomisë, administrata amerikane dhe ambasada amerikane janë duke u shqyrtuar për të përcaktuar diferencat në përllogaritje. Negociatat synojnë të dëshmojnë se Maqedonia nuk ka deficit tregtar me SHBA-në, pasi vitin e kaluar ka eksportuar mallra në vlerë prej 110 milionë euro dhe ka importuar 180 milionë euro.