Botë
Delegacionet amerikane e ruse në Stamboll: Ukraina nuk është në agjendë
10.04.2025 12:09
Delegacionet amerikane dhe ruse mbërritën sot në Stamboll për bisedime për normalizimin e punës së misioneve të tyre diplomatike...
Delegacionet amerikane dhe ruse mbërritën sot në Stamboll për bisedime për normalizimin e punës së misioneve të tyre diplomatike, pasi lufta në Ukrainë shkaktoi konfliktin më të madh mes Moskës dhe Perëndimit, që nga Lufta e Ftohtë.
Bisedimet do të udhëhiqen nga ambasadori i ri rus në Uashington, Aleksander Darçiev dhe zëvendësndihmës sekretarja amerikane e shtetit, Sonata Koulter, njoftoi Ministria e Jashtme ruse. Fokusi kryesor, thonë Moska dhe Uashingtoni, është rivendosja e misioneve diplomatike pas vitesh luftimesh, pretendimeve të ndërsjella të frikësimit dhe madje edhe ngrirjes së aseteve diplomatike midis dy fuqive bërthamore.
"Ukraina nuk është absolutisht në rendin e ditës." tha të martën zëdhënësja e Departamentit të Shtetit, Tami Brus.