Ivanov–ambadsadorëve: Debllokimi i procesit eurointegrues, garanci për stabilitet

 

Presidenti Ivanov , njoftojnë nga kabineti I tij, theksoi se ka pasur mendime konkrete për përballjen e institucioneve me këtë situatë me të vetmin qëllim, që të  ndalohet eskalimi eventual I tensioneve dhe destabilizimi I vendit. 

 

Ivanov edhe një herë ka ritheksuar nevojën e mbështetjes së bashkësisë ndërkombëtare në interes të stabilitetit në RM e që lidhet ngushtë me stabilitetin e të gjithë rajonit.

 

Ai kërkoi nga bashkësia ndërkombëtare që të bëjë përpjekje maksimale me qëllim të debllokomit të integrimeve euroatlantike të Maqedonisë.  

 

Kriza politike e kohëve të fundit  sipas Ivanovit, është rezultat edhe I stërzgjatjes së Status Quo-së së integrimit euroatlantik të vendit dhe kjo sipas presidentit, lë hapësirë për përpjekje të ndryshme për destabilizimin e vendit dhe për spekulime të shumta.

 

Për këtë është e nevojshme që të gjendet mënyrta për t’i mundësuar Maqedonisë  të përparojë në planin eurointegrues, porosit Ivanov. 

 

Ivanov kërkoi më shumë angazhim nga faktori ndërkombëtar në Maqedoni . Me shumë rëndësi është që të qytetarët të ndjehen të sigurtë por për këtë sipas Ivanovit, përvec përpjekjeve brenda vendit, nevoitet edhe përforcim I bashkëpunimit rajonal dhe ndërkombëtar për përballje dhe mbrojtje nga aktet terroriste, në mënyrë që në të ardhmen Maqedonia të mos përballet me situate të tilla. 

 

Ambasadorët përshëndetën mbledhjen e Këshillit  të Sigurisë dhe ftesën që në të të marrin pjesë përfaqësuesit e partive më të mëdha politike në vend.

 

Dialogu politik është mëse I domosdoshëm në këtë moment për të tejkaluar sfidat me të cilat përballet Maqedonia, potencuan ambasadorët, thuhet në deklaratën e kabinetit të presidentit Ivanov.