Sulmohen gjatë natës burgjet franceze, autorët qëllojnë me automatik e djegin automjete

Disa burgje franceze u sulmuan gjatë natës, tha ministri i drejtësisë Gérald Darmanin të martën, me sulmuesit që dogjën automjete dhe në një rast qëlluan me armë automatike.

 

Darmanin, i cili nxitoi t'i lidhte incidentet me fushatën e Francës kundër trafikut të drogës, po udhëton për në vendin e një prej sulmeve në qytetin jugor të Toulon. 

 

“Janë bërë përpjekje për të frikësuar personelin në disa burgje, duke filluar nga djegia e automjeteve deri te gjuajtja me armë automatike”, tha Darmanin në platformën e mediave sociale X.

 

 

Republika Franceze po përballet me problemin e trafikut të drogës dhe po merr masa, që do të prishin masivisht rrjetet kriminale," shtoi ai.