Fshati Orizarë i komunës së Likovës, Mexhiti inspektoi punimet në shtratin e lumit

 

“Sot jemi në fshatin Orizarë të komunës së Likovës, ku ka filluar ndërtimi i shtratit të lumit, mureve mbajtëse të tij, që të kenë mbrojtje shtesë për parandalimin e vërshimeve dhe daljes së ujit nga shtrati. Është një projekt që kap vlerën e 15 milionë denarëve, tërësisht i financuar nga Ministra e Mjedisit Jetësor dhe në gjatësi të përgjithshme prej 830 metrash, kurse lartësia e mureve 1.4 metra, që siç thash parandalon përmbytjet dhe siguron menaxhim të mirë të ujërave. Muri do të vishet me gurë dhe estetikisht do të duket bukur.”, - theksoi zëvendëskryeministri i parë dhe ministri i Mjedisit Jetësor dhe Planifikimit Hapësinor, Izet Mexhiti.

 

Ndryshe ky investim është pjesë e programit të ministrisë për investim në çdo komunë me kriter të vetëm numrin e banorëve, e jo si deri më tash sipas përkatësisë partiake të komunave apo kritereve tjera diskriminuese, tha ndër të tjera zëvendëskryeministri i parë dhe ministri i Mjedisit Jetësor dhe Planifikimit Hapësinor.