Transparenca e marketeve, nga e premtja, çmimet në ueb faqet e tyre

 

“Në përputhje me ndryshimet ligjore dhe rregulloren e përgatitur nga Ministria e Ekonomisë dhe Punës do të duhet t’i publikojnë çmimet e të gjitha produkteve në ueb faqen e tyre duke filluar nga data 18 prill. Pritshmëritë tona janë se kjo masë do të ulë në mënyrë plotësuese çmimet në periudhën e ardhshme. Deri më tani asnjë kërkesë oficiale deri tek ne nuk ka arritur apo informacion se kanë problem marketet për realizimin e masës që e ka sjellë Qeveria me propozim të Ministrisë së Ekonomisë dhe Punës.”, - deklaroi ministri i Ekonomisë, Besar Durmishi. 

 

Ministri Durmishi njëherit thekson se inflacioni është në kontroll dhe se çmimet kanë shënuar rënie.

 

“Si rezultat i masave të miratuara që nga fillimi i vitit, pra kufizimit të marzhave të produkteve ushqimore bazë dhe një pjesë të mjeteve për higjienën në muajin mars, kemi ulje të inflacionit prej 2.7% derisa në muajin mars në krahasim me muajin shkurt, kemi një deflacion prej 1.3%, sipas të dhënave nga Enti Statistikor Shtetëror.”, - theksoi ministri i Ekonomisë, Besar Durmishi.

 

Durmishi ripërsërit se vendimi për kufizimin e marzhës së fitimit bruto të 102 grupeve të produkteve ushqimore bazë, si dhe për përcaktimin e çmimeve më të larta të 8 grupeve të produkteve ushqimore bazë, vazhdon të mbetet në fuqi deri në fund të prillit.