Për herë të dytë dështon konstituimi i Kuvendit të Kosovës

 

“Takimi shpërfaqi qëndrimet aktuale të tyre. Pati përfaqësues që i braktisën takimin. Nuk pati konsensus. Seanca do të vazhdojë brenda 48 orëve në orën 12:00, 19 prill. Me shpresë, që deri atëherë të ketë pajtueshmëri.”, - deklaroi kryesuesi i seancës, Avni Dehari. 

 

Partitë opozitare PDK, LDK dhe AAK mbeten në qëndrimin se nuk mund të bëhet verifikimi i mandateve të deputetëve derisa kryeministri dhe ministrat e zgjedhur deputetë vazhdojnë të ushtrojnë postet në ekzekutiv dhe njëkohësisht dëshirojnë t’u verifikohet edhe mandati i deputetit. Po ashtu sipas tyre, Lëvizja Vetëvendosje po e zvarritë mbarëvajtjen e seancës konstituive, me qëllim të pazareve politike.

 

Por, nga Vetëvendosje këmbëngulin se i kanë votat e mjaftueshme për formimin e institucioneve, por është e domosdoshme që të zhvillohen konsultime për të gjetur një zgjidhje lidhur me bllokimin e procesit të konstituimit të Kuvendit të Kosovës.