Seancë e re për vrasjen e rëndë të të miturës Vanja Gjorçevska dhe pensionistit Pançe Zhezovski

Në Gjykatën Penale të Shkupit është caktuar seancë e re për vrasjen e rëndë të të miturës Vanja Gjorçevska dhe pensionistit Pançe Zhezovski. Në pyetjet e Prokurorisë pritet të përgjigjet i akuzuari i parë, Ljupço Palevski.

 

Seanca e kaluar u anulua për shkak të mungesës së avokatit të Palevskit, Jovica Strashevski, i cili mungesën e tij e arsyetoi për arsye shëndetësore. Gjykatësi Stefanovski tha se nëse Strashevski nuk paraqitet në gjykimin e radhës, gjykata do t'i caktojë avokat sipas detyrës zyrtare. Kur iu bë pyetje nga avokati i tij, Palevski u deklarua i pafajshëm për vrasjen e Vanjës dhe Pançes dhe se nuk kishte as motive dhe as arsye.