Turqi, tërmet në Stamboll prej 6.2 ballësh

 

Ende nuk ka raportime për të lënduar apo dëme, por zyrtarët nga Agjencia për Menaxhimin e Fatkeqësive në Turqi, thanë se tërmeti i fuqishëm u pasua me tetë tërmete të tjera. Tërmeti i parë ndodhi në orën 12:49, sipas kohës lokale, me epiqendrën në thellësi prej 6.92 kilometrash nën det. Epiqendra e tërmetit gjendet në jug të qytetit të Stambollit, thanë nga Agjencia për Menaxhimin e Fatkeqësive.

 

Tërmeti u pasua nga tetë pasgoditje me shkallë të ndryshme, duke u nisur nga 3.5 deri në 5.9 shkallë të Rihterit. Si pasojë e dridhjeve të tokës, rrugët e Stambollit u mbushën me njerëz që dolën nga ndërtesat. Pas tërmetit, presidenti turk, Rexhep Tajip Erdogan, tha se “po vëzhgoj nga afër zhvillimet”.