Ekonomi
LSDM: Rritje çmimesh për qytetarët, Qeveria s’ka zgjidhje
06.05.2025 14:57
Qytetarët po përballen me tronditje të reja çmimesh në tregje dhe dyqane...
Qytetarët po përballen me tronditje të reja çmimesh në tregje dhe dyqane, pas skadimit të masës së marzhës së ngrirë. Qytetarët kanë gjithnjë e më pak para në xhepat e tyre. Ky është rezultat i politikave ekonomike vazhdimisht të gabuara të Qeverisë, akuzon LSDM-ja. Nga kjo parti kërkojnë që Qeveria të pranojë propozimet e LSDM-së, që do të nënkuptojnë një ulje reale të çmimeve dhe një rritje të pagave.
“E ashtuquajtura shportë vjeshte dështoi. Shporta e Vitit të Ri dështoi. Marzhat e ngrira gjithashtu dështuan. Çmimet vazhdojnë të rriten. Standardi po bie. Jeta në Maqedoni po bëhet gjithnjë e më e shtrenjtë, qytetarët mezi po ia dalin mbanë, duke menduar nëse do të paguajnë faturat këtë muaj apo do të blejnë ushqime. Pagat e tyre janë shumë të ulëta dhe nuk u arrijnë as deri më datën 15 të muajit. Është e pamundur, nuk ka para në buxhetin më të madh për paga më të larta për punëtorët! Qeveria nuk mund të shpenzojë 6.5 miliardë euro pa dashur të heqë dorë nga TVSh-ja për ushqimet. Ne kërkojmë që Qeveria të braktisë menjëherë politikat e dëmshme ekonomike dhe të pranojë propozimet e LSDM-së, që do të nënkuptojnë një ulje reale të çmimeve dhe një rritje të pagave. Vetëm duke hequr TVSh-në për ushqimet do të ulen çmimet e 250 produkteve.”, - deklaroi Lolita Ristova nga LSDM.