Plenumi i Studentëve, ndërpret bashkëpunimin me MASH

Në shenjë revolte dhe pakënaqësie që dy antarë nga Plenumi studentor janë në mesin e 8 të arrestuarve në MPB, gjatë protestës së 5 majit, Plenumi miratoi vendimin që të ndërpresë komunikimin  me MASH. 

 

Përfaqësuesit e Plenumi  do të largohen nga grupet punuese, ndërsa Plenumi i profesorëve do të vazhdojë përpilimin e ligjit të ri për arsim sipëror.

 

 

“Apelojmë deri te institucionet që të kryejnë me përgjegjësi punën e tyre sepse të gjitha faktet deri më tani që i posedojmë bëjnë të ditur se  ekziston drejtësi selektive dhe studentët janë arrestuar padrejtësisht” , thanë përfaqësuesit e Pleniumit të Studentëve.

 

Studentëve të arrestuar iu është shqiptuar masa e paraburgimit 8 ditor për veprat penale: Pjesmarrje në grup dhe ndalimin e zyrtarëve policor gjatë kryerjes së punës. 

 

Për këtë shkak studentët paralajmërojnë protesta të qeta kundër brutalitetit policor.