Kriza në Qeveri, Nuhiu: Largimi i Taravarit dobëson pushtetin

 

“Mickoski duhet të vendosë në bazë të dy komponentave, një a do të shkojë në zgjedhje të parakohshme, qofshin ato paralel me zgjedhjet lokale apo nuk do të shkojë, se mund realisht t’i dobësohet shumica parlamentare, dobësohet për pesë deputetë, është dobësim i ndjeshëm. Tash Qeveria e Maqedonisë funksionon si qeveri me legjitimitet etnik, të krahut maqedonas dhe krahut shqiptar dhe kur ta marrësh pjesën tjetër që janë numra, deputetët, dashur apo jo involvohet problemi i koalicionit shqiptar në Qeveri.”, - deklaroi profesori universitar, Qani Nuhiu. 

 

 

Nga ana tjetër, edhe profesori universitar, Murat Aliu, vlerëson se hezitimi i Mickoskit për t’i kërkuar Taravarit largimin nga Qeveria ka të bëjë me frikën për të shkuar në zgjedhje të parakohshme parlamentare.  

 

“Në këtë kontekst politika është numër dhe meqënëse legjitimiteti i Qeverisë tek ne buron nga intenti etnik i partive politike, një shkëputje prej pesë deputetësh i përfaqësuesve shqiptarë, në këtë rast në Qeveri, do të kishte qenë problematikë edhe për përfaqësimin e shqiptarëve, edhe për vet Mickoskin, por edhe kësaj here do të ishte përballur me një presion akoma më të madh dhe më të vështirë nga opozita, për shkak se numri i deputetëve opozitarë rritet ndjeshëm.”, - theksoi profesori universitar, Murat Aliu.

 

Megjithatë, profesori Aliu e vlerëson si kontradiktore edhe qasjen e kreut të ASh-së, Arben Taravari, i cili vazhdon të jetë në Qeveri, ndërsa tenton të paraqesë zërin opozitar brenda pushtetit.