BE: Politika të ulet e të fillojë të zgjidhë çështjet me rëndësi

Edhe pse diplomacia europiane ëhstë e përmbajtur në etiketimin e grupit të armatosur, nga Brukseli por megjithatë pohojnë se incidenti edhe më tej e ka thelluar krizën. 

 

Maja Kocianqiq, zëdhënëse e politikës së jashtme të BE-së,  nuk ka dashur të përgjigjet në pyetjen e korrespodentes së TVM-së në Bruksel, se,  nëse EUROLEX që siguron kufirin me Kosovën, është dashur të parandalojë incidentin.

 

“Nuk jam në gjendje të komentoj në deklaratën që u thirrët. Për atë që biseduam mbrëmë, në asnjë rast nuk kemi kritikuar. Ne përsëri iu bëjmë thirrje liderëve politik të vendit të ulen bashkë dhe të fillojnë me zgjidhjen e cështjeve me rëndësi”, deklaroi Maja Kocinciq - zëdhënëse e përfaqësueses së lartë të BE-së

 

Edhe Asambleja Parlamentare e Këshillit të Evropës bën thirrje për qetësi pas incidentit të armatosur në Kumanovë. 

 

Raportuesi për Maqedoninë në Asamblenë Parlamentare të KE-së, Robert Valter ,  përmes një komunikate ka kërkuar nga qytetarët që të ruajnë stabilitetin dhe qetësinë ndërsa rekomandon partitë politike të nxjerrin vendin nga kriza e thelluar.

 

“Ky rast ndodhi pikërisht në kohën kur vendi ballafaqohet me krizë politike serioze. Ju bëj thirrje të gjitha palëve që ta ruajnë qetësinë! Është e nevojshme tiu shmangen konflikteve dhe të parandalohen akte të tjera të dhunës të cilat mund ta dëmtojnë stabilitetin e vendit dhe rajonit”, thuhet në komunikatën e  Robert Valter- Raportues për Maqedoni në Këshillin e Evropës

 

Është në kompetencë të të gjitha partive politike  ti tejkalojnë dallimet e thella politike dhe etnike, të cilat akoma janë të pranishme, thuhet në komunikatën e AP të KE-së.