Sindikata e Policisë protestoi, punonjësit e policisë kërkojnë paga më të larta

 

“Në qytete të ndryshme, gjykatat thonë se disa policë duhet të paguhen më shumë dhe në Shkup thonë se kjo pagë që marrim është e mjaftueshme. Me aktvendime, policë  të caktuar  kanë paguar  dhe kjo është dëshmuar. Fatkeqësisht, gjykatat e Shkupit thonë se nuk është kështu. Këtu hyn në lojë një revoltë e madhe dhe pabarazi në paga. Është shumë e thjeshtë të llogariten pagat - duhet të shumëzohet pika  me numrin e pikëve që kemi. Një polic ka nga 550 pikë e më shumë dhe pika në Ministrinë e Punëve të Brendshme është 35.47 denarë. Për vite me radhë, paga e policisë ka qenë shumë më poshtë se minimalja.”, - deklaroi kryetari i Sindikatës së Pavarur të Policisë, Martin Efremov.

 

Nga Sindikata e Pavarur e Policisë thonë se nëse nuk ua  përmbushin kërkesat e tyre, do të njoftojnë të gjitha sindikatat, ambasadat dhe institucionet evropiane dhe do të vazhdojnë me protestat. Thonë se nuk do të heqin dorë nga ajo që u takon me ligj.