Rritja e çmimeve, Mickoski: Nëse përdoren truke, Qeveria me masa të reja

 

“Po e monitorojmë situatën me çmimet në tregje, ndërsa ministri Durmishi nuk më tregoi se ekziston ndonjë rritje specifike. Megjithatë, nëse raporti i IShP-së tregon një gjë të tillë në fund të majit, automatikisht do të zbatohen masa, të cilat do të zgjasin deri në fund të vitit. E kemi bërë të qartë se nuk do të tolerojmë gjëra të tilla.”, - deklaroi kryeministri, Hristijan Mickoski. 

 

Përveç kësaj, Mickoski i paralajmëron tregtarët, distribuesit, respektivisht personave juridike se nuk do të tolerohet asnjë lloj truku dhe mallverëzimeve fiktive përmes së cilave do të rritet marzha dhe do të dëmtohet xhepi i blerësve. 

 

“Dëgjojmë për truke të ndryshme që përdorin tregtarët. Flitet se do të nxirren para përmes personave juridikë inekzistent nën maskën e shërbimeve të marketingut dhe PR-së dhe se do të paguhet marzha që u është paguar tregjeve të caktuara në të kaluarën. Ne vazhdimisht marrim informacione të tilla, jemi të dëshpëruar dhe kjo nuk është e mirë, sepse në këtë mënyrë nuk mund të ndërtojmë marrëdhënie partneriteti kështu.”, - theksoi kryeministri, Hristijan Mickoski. 

 

Paraprakisht ministri i Ekonomisë dhe Punës, Besar Durmishi, tha se rritja drastike e çmimeve do të konsiderohet atëherë kur çmimet do të rriten prej 15 deri më 20 për qind dhe ky do të jetë sinjal për aktivizimin e masave të reja. Më 30 prill të muajit të kaluar skadoi masa qeveritare për kufizimin e marzhës së produkteve bazë ushqimore. Tani në ditët në vijim do të duhet të publikohet edhe raporti përfundimtar i Inspektoratit Shtetëror të Tregut për t’i parë rezultatet dhe masat që duhet të ndërmerren në të ardhmen, pasi që qytetarët janë ankuar se ka filluar rritja çmimeve të produkteve.