Dita ndërkombëtare e familjes, Limani: Krijojmë politika për mbrojtjen e familjes

 

 

“Familja përfaqëson burim të stabilitetit, dashurisë dhe solidaritetit, dhe për këtë arsye bashkëpunimi ynë është i përqendruar në krijimin e politikave që do të mbështesin forcimin e saj, përmes shërbimeve sociale, mbështetjes për gjeneratat e reja dhe zhvillimit të masave gjithëpërfshirëse dhe të qëndrueshme. Si institucion, detyra jonë themelore është të sigurojmë mbështetje për të gjitha format e familjes dhe të përmbushim nevojat e tyre të ndryshme.”, - deklaroi ministri për Politikë Sociale, Demografi dhe Rini, Fatmir Limani. 

 

 

Ka rëndësi në ruajtjen e vlerave familjare dhe bashkëpunimit ndërmjet shteteve për ndërtimin e një shoqërie të shëndetshme dhe të qëndrueshme, deklaroi ambasadori i Turqisë.

 

“Diskursi negativ i drejtuar për vlerën dhe rëndësinë e familjes dhe martesës tregon një tendencë në rritje në të gjithë botën dhe këto vlera zhvlerësohen qëllimisht nga qarqe të caktuara. Prandaj, forcimi i integritetit dhe funksionalitetit të institucionit të familjes dhe sigurimi i paqes, lumturisë dhe mirëqenies së anëtarëve të familjes do të kontribuojnë në sigurimin e një të ardhmeje më të mirë për mbarë njerëzimin.”, - theksoi ambasadori i Turqisë, Fatih Ulusoj. 

 

Dita e familjes është një rikujtim se pikërisht në familje mbështeten vlerat që e shtyjnë përpara një shoqëri.