Gjykimi për vrasjen e dyfishtë, prezantohen dëshmi shtesë

 

 

 

“Përmes mënyrës kontrabandiste dëshirojnë të fshihet një punë e cila është e rëndësishme, e ajo është se të gjendet arma përmes së cilës është shkrepur gëzhoja, respektivisht a është e shkrepur nga arma legale apo ilegale. Mirëpo në këtë rast, qëllimisht është bërë një ujdi për të tejkaluar të gjithë procedurën ku kjo punë do të kufizohet vetëm tek arma e Boro Videskit.”, - deklaroi avokati i Palevskit, Jovica Strashevski.

 

“MPB-ja nga një anë jep dokumentacion se pistoleta është legale, ku nuk kontestohet se arma është pajisur në mënyrë legale, mirëpo nga ana tjetër, dorëzon dokumentacion tjetër ku thuhet se nuk janë gjetur gëzhoja të shkrepura në bazën e të dhënave policore. Unë po pyes, si është e mundur nga një armë legale të mos gjendet asnjë gëzhojë e shkrepur. Këtu ose dikush nuk dëshiron të shfletojë mirë e gjerë bazën e të dhënave ose ka diçka tjetër. Po hyjnë në një problem shumë të madh, ku për momentin kemi një situatë shumë të paqartë.”, - theksoi avokati i Videvskit, Bojan Manev.

 

Prokuroria i dorëzoi trupit gjykues prova dhe materiale tjera dëshmuese nga komunikimet që janë shkëmbyer mes Lupço Palevskit dhe Eroll Osmanit, i cili u mor në pyetje si dëshmitar gjatë kësaj procedure. 

 

Njëherit prokurorët prezantuan edhe njëherë video-materialin përmes së cilës shihet se Pallevski, Manevi, Videvski dhe  Keshishevi kthehen ta marrin lopatën për t’i varrosur viktimat, dhe kjo provë sipas tyre, është planifikim i qartë për vrasjen e Vanjës.

 

“Pamjet u dorëzuan si kundërpërgjigje të pretendimeve të të pandehurve se ata nuk kishin motiv për të vrarë, por kishin dalë për të rrëmbyer njerëz. Fakti që ata  kthyen për lopatën, e marrin me vete, sepse e kishin harruar paraprakisht, tregon se ata ishin të përgatitur për ta vrarë Vanjën.”, - deklaroi prokurorja, Zhaklina Kërstevska Josifovska.

 

“Video-xhirimet e dorëzuara të Prokurorisë kanë qenë prova të propozuara edhe nga ana ime si avokat i Aleksandar Gjorgjevskit,  përmes së cilës po vërtetohet se dita kritike me 24-tin, e ajo është dita e përpjekjes së dështuar të rrëmbimit të Vanjës, kthimin e Velibor Manevskit dhe Bore Videvskit për t’u kthyer dhe marr lopatën, e përjashton mundësinë që babi i Vanjës të ketë rast. Ekzekutorët kanë pasur qëllim të qartë për ta vrarë Vanjën.”, - theksoi avokati i babit të Vanjës, Vladimir Tufegxhiq.

 

Palevski dhe avokatët e të pandehurve paralajmëruan se gjatë procedurës së plotësimit të dëshmive shtesë edhe ata do të dorëzojnë dëshmi tjera për të hedhur poshtë veprën penale, që u ngarkohet pa prova të plotësuara të të pandehurve.