“Shahterm” vendos gurthemelin në Shkup, pritet të hap rreth 500 vende të reja pune

 

“Kompania ime në këtë vend është e orientuar kah eksporti. Unë këtu nuk kam treg për prodhimet e kompanisë, por dua që prodhimet e mia ti eksportoj 100% dhe të kontribuoj që Maqedonia të përfitoj financiarisht.”, u shpreh drejtori i kompanisë Shahterm, Faruk Shahin.

 

Kjo është fabrika e parë të cilën kompania Shahterm e ndërton jashtë Turqisë, pas funksionimit 40 vjeçar në treg. Përpos përfitimeve financiare investimi pritet të jetë edhe qendër innovative.

 

“Ky investim do të përfshijë edhe qendër për hulumtime dhe zhvillim, e cila dukshëm do të kontribuojë në avancimin e proceseve teknologjike dhe nxitjen e inovacioneve.”, u shpreh drejtori i zonës zhvillimore industriale, Goce Dimovski.

 

Qeveria investimin e shikon si tejet premtues për ekonominë e vendit.

 

“Ky është projekt i cili jo vetëm që do të zhvillojë ekonominë, por vërteton stabilitetin dhe përparimin e vendit tonë, me çrast do të sjellë në përforcimin e industrisë maqedonase dhe eksportit.”, u shpreh kryeministri Hristijan Mickoski.

 

Shifrat ekonomike flasin se prodhimi industrial në mars të vitit 2025 është rritur në 5.2 % në nivel vjetor, krahasuar me marsin e vitit të shkuar. Investimet e huaja për vititn 2024-ër arritën 1 miliard e 255 milion euro me çrast e bënë Maqedoninë vendin me më shumë investime të huaja për kokë banori.