Emigracioni, KE miraton agjendën për politikën e re

Masat në fjalë janë këto: 20 mijë klandestinë që kërkojnë mbrojtje ndërkombëtare e që vijnë nga kampe refugjatësh në vende të treta, do të sistemohen nëpër Europë.

 

"Duam të asistojmë shtetet anëtare në mënyrë që t'i jepet fund kasaphanës humanitare e të ofrohen zgjidhje të qëndrueshme dhe afatgjata të një fenomeni që nuk do të zhduket vetëm po nuk e përmende", thonë nga KE.  

 

Nuk janë fiksuar ndërkohë numra për shpërndarjen e emigrantëve të zbarkuar tashmë, ndërsa përqindjet e vendeve pritëse do të jenë të ndryshme.

 

Këto janë vetëm disa nga detajet e para të takimit të sotëm ku ka hedhur rrënjë kësisoj sistemi i kuotave.

 

Skema e miratuar nga Komisioni duhet të marrë edhe miratimin e qeverive të vendeve anëtare. Propozimi i një zgjidhjeje përfundimtare do të prezantohet brenda fundit të majit.