Maqedoni
Trajko Sllaveski propozohet për guvernator të ri
22.05.2025 12:51
Profesori në Fakultetin Ekonomik, Trajko Slaveski, është propozuar për Guvernator...
Profesori në Fakultetin Ekonomik, Trajko Slaveski, është propozuar për Guvernator të ri i Bankës Popullore. Propozimi i Presidentes, Gordana Siljanovska Davkova, është paraqitur në Parlament dhe emri i tij ishte më i përmenduri si kreu i mundshëm i Bankës Qendrore.
Slaveski është presidenti aktual i Këshillit të Qytetit të Shkupit. Ai ka një karrierë të pasur akademike dhe politike pas vetes. Ai është profesor i rregullt në Fakultetin e Ekonomisë në UKIM.
Ai spikat më shumë në pjesëmarrjen e tij në debatet ekonomike dhe publiku e kujton atë edhe si ministër të Financave. Sipas Kushtetutës, guvernatori propozohet nga Presidenti i vendit, zgjedhja e tij duhet të bëhet në koordinim me shumicën qeverisëse, pasi për zgjedhje kërkohen 61 deputetë ose një shumicë e thjeshtë.
Mandati i guvernatores aktuale, Angelovska Bezhoska, ka skaduar, por ligji përcakton që ajo duhet të mbajë detyrën deri në zgjedhjen e një guvernatoreje të re. Angelovska Bezhoska mori detyrën më 22 maj 2018.