Berisha nuk pajtohet me humbjen, kërkon zgjedhje të parakohshme dhe Qeveri teknike

 

“Misioni im mbaron ditën kur shqiptarët të votojnë të lirë.”, - theksoi kryetari i PD-së, Sali Berisha.

 

Për humbjen, përgjegjësi nuk do të mbajë jo vetëm ai, por siç duket as ekipi që drejtoi në 12 qarqe. Në vend të një mea-kulpe, Berisha i justifikoi njerëzit e tij për rezultatin humbës, thuajse në të gjitha qarqet e Shqipërisë.

 

“Farsa nuk fitohet nga opozita. Çfarë do që të bëjë opozita!”, - u shpreh kryetari i PD-së, Sali Berisha.

 

Berisha paralajmëroi se kur të kthehet këtë të enjte bashkë me deputetët aktualë në Parlament, nuk do të lejojë seancë të qetë.

 

“Lufta jonë nuk ndërpritet!”, - u shpreh kryetari i PD-së, Sali Berisha.

 

Për të kundërshtuar zgjedhjet, në të cilat akuzoi se nga krimi dolën 28 deputetë të PS-së, në këtë konferencë të radhës Berisha nuk solli fakte dhe pretendime të reja.