Përçarjet në ASH-në e Taravarit, largohen 8 anëtarë të kryesisë

Pas përçarjeve të fundit në Aleancën për Shqiptarët, kreu i kësaj partie Arben Taravari mblodhi kuvendarët për të vendosur se si do të veprojnë në të ardhmen.

Pas mbledhjes, Taravari  njoftoi për perjashtim nga partia të 8 anëtarëve  të kryesisë,  përfshirë edhe kryetarin e kuvendit të partisë Arben Fetain.

Për kryeatr të ri të Kuvendit të ASH-së, është zgjedhur Nazim Taipi.  Ky vendim sipas Taravarit u mbështet  nga dy të tretat e anëtarëve të Kuvendit,  pasi është konstatuar që të njejtit kanë vepruar dhe punuar kundër qëndrimeve të partisë.

“Për shkak të veprimeve kundër partisë, njëzëri u shkarkua kryetari i Kuvendit, dhe prej sot kryetar i Kuvendit u zgjodh Nazim Taipi.  I përjashtuam edhe disa anëtarë të kryesisë të cilët veç më deklarohen kundër Aleancës për Shqiptarët. Anëtarët e kryesisë të cilët u përjashtuan janë gjithsej 8, nga gjithësej 46 anëtarët aq sa numëronte kryesia qëndrore. Ajo vazhdon të funksionojë me pjesën dërmuese të anëtarëve, Kuvendi më shumicë absolute në Kuvendin qëndror.” – tha Kryetari i ASH-së, Arben Taravari.

Përçarjet në ASH, Taravari: ASH e vërtetë, është këtu

Taravari mohoi lëvizje masive të strukturave të partisë. Ai tha se bëhet fjalë vetëm për disa funksionarë për të cilët, tha që ka pasur informacione paraprake për distancimin e tyre nga ASH.

“Tre deputetë që kanë qenë të Aleancës për Shqiptarët janë këtu. Një deputete e morëm që s’ka qenë realisht nga strukturat e ASH-së. Edhe deputeti Salim Sulejmani realisht nuk ka qenë pjesë e strukturës së ASH-së. Ato të cilët kanë derdhur djersë për ASH-në, janë këtu dhe nuk e kanë ndërmend as të lëvizin. Kjo na bën me dije se në zgjedhjet e ardhëshme kandidatët të cilët duhet ti përzgjedhim për deputetë duhet të jenë mes nesh”. – deklaroi Kryetari i ASH-së, Arben Taravari.

Taravari tha që ASH e rikonfirmoi vendimin paraprak  të kryesisë, që nuk do të veprojë më si pjesë e koalicionit VLEN,  dhe shtoi se  në zgjedhjet e ardhëshme lokale do të garojë e vetme si subjekt politik.

Madje ai  paralajmëroi se ASH  ditëve në vazhdim do t’ju përgjigjet lëvizjes Besa dhe Lëvizjes Demokratike rreshtimin e anëtarëve të tyre në rradhët e ASH-së. (Merita Gashi, TVM2)