Sulme masive nga Ukraina, 600 mijë banorë pa energji elektrike në rajonet ruse

Disa distrikte komunale në rajonet Herson dhe Zaporozhje, aktualisht nën kontrollin e forcave ruse, janë përballur me ndërprerje të mëdha të energjisë elektrike si pasojë e një sulmi masiv me dron të kryer nga Ukraina në orët e para të mëngjesit.

Në Rajonin e Zaporozhjes, sipas Guvernatorit Jevgeni Balitski, pasojat sollën 457 vendbanime pa energji elektrike, duke prekur mbi 600.000 banorë.

Në Rajonin e Hersonit, mbi 104.000 njerëz në 150 vendbanime në distriktet Genicheski, Novotroitski, Ivanovski dhe Nizhneserogozski u prekën nga ndërprerja e energjisë.

Në lagjen Geniceski, një transformator elektrik u përfshi nga flakët si pasojë e granatimeve, por zjarrfikësit e Ministrisë ruse të Emergjencave arritën ta neutralizojnë zjarrin. Inxhinierët e energjisë kanë nisur menjëherë përpjekjet për rivendosjen e furnizimit me energji në të dy rajonet.

Guvernatori Balitski theksoi gjithashtu se objektet me rëndësi shoqërore, përfshirë spitale dhe struktura të tjera publike, janë lidhur me burime rezervë për të garantuar funksionimin e tyre pas ndërprerjes.