Rezoluta e PE-së për RMV-në, Kos: Shkupi dhe Sofja të merren vesh

 

“Maqedonia e Veriut duhet ta ndryshojë Kushtetutën dhe më pas ne do të lëvizim përpara me procesin aderues. Ata duhet të bisedojnë dhe unë jam e gatshme ta lehtësoj procesin. Kjo është çështje e raporteve mes shteteve. Pajtohem se fqinjësia e mirë do kujdes, jo vetëm për Maqedoninë e veriut, jo vetëm për Bullgarinë, por të gjithë. Për këtë kam ofruar ndihmën time personale.”, - deklaroi kryetarja e KE-së, Marta Kos.

 

 

Ndërkohë, kryetarja e shtetit, Siljanovska Davkova, pret mbështetje për rezolutën nga pjesa e konsiderueshme e eurodeputetëve. Ajo e quan  ofenduese që në rezolutë, gjuhës maqedonase t’i vihet përpara fjala “e tanishme”, gjë që eurodeputetët bullgarë e kanë paralajmëruar se do ta kërkojnë përmes amendamenteve.

 

“Kuptohet se pres përkrahje, por sinqerisht nuk kam pritur që në shekullin 21 në Parlamentin Evropian të lexoj ndonjë amendament që konteston identitetin e dikujt. Ky është fenomen i panjohur, sidomos kur je i ulur në një institucion që është pjesë e BE-së, ku dokumentet konstituive bazë si Marrëveshja për BE, traktati i Lisbonës, deklarata për të drejtat fundamentale  garantojnë respektimin e identitetin nacional, kulturor, dinjitetit dhe integritetin e njeriut. Kjo është diçka shokuese. Pres të mbështetet në të kundërtën. Kjo flet shumë për kapacitetin demokratik të BE-së.”, - deklaroi presidentja e shtetit, Gordana Siljanovska Davkova.

 

 

Në prag të diskutimit të rezolutës, kryeministri Mickoski ka zhvilluar biseda të shumta telefonike me eurodeputetët, ndërkaq nuk komenton pritshmëritë tij.

 

“Dje kam zhvilluar biseda telefonike, ministri për Punë të Jashtme gjithashtu po ashtu edhe njerëz të tjerë të Qeverisë, të presim të vijë dita e nesërme.”, - theksoi kryeministri, Hristian Mickoski.

 

Derisa po diskutohet rezoluta e Parlamentit Evropian, të premten kuvendi bullgar miratoi rezolutë të re për procesin e përparimit të vendit tonë drejt BE-së, ku u saktësua se Shkupit nuk do t’i ndodhë asgjë e re në këtë drejtim pa i përmbushur marrëveshjet për të cilat ka dhënë firmën.