Trump nënshkruan vendimin për ndalimin e udhëtimeve në SHBA nga 12 vende

Trampi ua ndalon 12 vendeve hyrjen në ShBA Trampi ka vendosur një ndalim hyrjeje në Shtetet e Bashkuara për 12 vende: Afganistani, Mianmari, Çadi, Republika e Kongos, Guinea Ekuatoriale, Eritrea, Haiti, Irani, Libia, Somalia, Sudani dhe Jemeni.

Shtëpia e Bardhë tha në një deklaratë se ndalimi synon të mbrojë vendin nga “terroristët e huaj dhe kërcënimet e tjera ndaj sigurisë kombëtare”. Trampi vendosi gjithashtu të kufizojë pjesërisht hyrjen e qytetarëve të 7 vendeve: Burundi, Kuba, Laosi, Sierra Leone, Togo, Turkmenistani dhe Venezuela. Kufizimet, thekson shënimi i Shtëpisë së Bardhë, vlejnë si për emigrantët, ashtu edhe për jo-emigrantët.

Vendimi përfshin përjashtime për banorët e përhershëm të ligjshëm, mbajtësit ekzistues të vizave, kategori të caktuara vizash dhe individë, hyrja e të cilëve i shërben interesave kombëtare të ShBA-së. Trampi njoftoi gjithashtu se ka ndaluar vizat për studentët e huaj në Harvard. Universiteti i Harvardit e quajti urdhrin ekzekutiv të lëshuar dje nga Donald Tramp një urdhër “hakmarrës”.

“Harvardi do të vazhdojë të mbrojë studentët e tij ndërkombëtarë.”, tha një zëdhënës i institucionit. Në këto kushte, ministri i Brendshëm i Venezuelës, Diosdado Kabello, tha: “Të qenit në Shtetet e Bashkuara përbën një rrezik të madh për të gjithë, jo vetëm për venezuelianët.”