Bota islame feston Kurban Bajramin

 

 

 

“Kurban Bajrami të shpreh besimin e palëkundur të sakrifikuar gjithcka, bile edhe më të shtrentën për Allah. Për të dëshmuar në praktikë se dashuria dhe përkushtiumi ndaj madhërisë së tij është mbi cdo gjë tjetër, ashtu sic veproi Ibrahimi A.S. i cili ishte i gatshëm për të flijuar birin e tij Ismailin. Institucioni i Kurbanit është një shprehje konkrete për të kuptuar se nuk ka vepra madhore pa përpjekje dhe flijim madhor. Njeriu vlen aq sa është I gatshëm të ndajë më të dashurën për të tjerët. Andaj festa e Kurban Bajramit nuk është thjesht një ditë feste, por është festë që e edukon besimtarin të jetë bujar, fisnikëron shpirtin dhe zemrën, e bën pjesëmarrës në vepra të mëdha, e nxit të jetë solidar, të ndihmojë të varfërit dhe skamnorët, forcon lidhjet shpirtëerore dhe shoqërore, nxit unitetin në të mirë dhe në vështirësi dhe kultivon paqen dhe dashurinë e bashkëjetesën mes njerëzve”, u shpreh kryetarI i BFI-së, Shaqir Fetahu.

 

Përveç vizitave tradicionale tek të afërmit dhe gëzimin e fëmijëve me dhurata, Kurban Bajrami karakterizohet me therjen e kafshëve në shenjë devotshmërie ndaj Zotit, një ritual që buron që nga koha e profetëve Ibrahimit dhe Ismailit.

 

Mes lutjeve, faljes dhe solidaritetit, kjo festë ndër më të rëndësishmet në Islam, mbetet jo vetëm një festë fetare, por edhe një moment reflektimi mbi vlerat që bashkojnë njerëzit – festë respekti, ndihme dhe mëshire për njeri-tjetrin.