Forcat izraelite ndalojnë anijen me ndihma për Gazën

 

Ministri izraelit i Mbrojtjes, Joav Gallant, kishte urdhëruar më herët ndalimin e Madlen-it, duke e cilësuar këtë mision si një “akt propagandistik në shërbim të Hamasit”. Izraeli ka vendosur një bllokadë detare ndaj Gazës që prej vitit 2007, kur Hamasi mori kontrollin e territorit. Bllokada ka vazhduar gjatë gjithë konflikteve të mëvonshme, përfshirë luftën aktuale që nisi pas sulmit të 7 tetorit 2023 ndaj Izraelit, ku sipas autoriteteve izraelite u vranë mbi 1,200 persona. 

 

Kombet e Bashkuara kanë paralajmëruar se mbi 2 milion banorë të Gazës po përballen me rrezikun e urisë masive. Ndërkohë, raportuesja speciale e OKB-së për të drejtat e njeriut në territoret palestineze, Francesca Albanese, ka shprehur mbështetje për operacionin e FFC-së, duke u bërë thirrje edhe porteve të tjera mesdhetare që të dërgojnë ndihma dhe solidaritet për Gazën.