Izraeli ndalon anijen humanitare për Gazën

 

“Emri im është Greta Thunberg dhe jam nga Suedia. Nëse e shihni këtë video, na kanë kapur dhe rrëmbyer në ujëra ndërkombëtare nga forcat pushtuese izraelite ose forcat që mbështesin Izraelin. I bëj thirrje të gjithë miqve, familjes dhe shokëve të mi që të ushtrojnë presion mbi qeverinë suedeze që të më lirojë mua dhe të tjerët sa më shpejt të jetë e mundur.”, u shpreh aktivistja suedeze Greta Thunberg.

 

“Përshëndetje të gjithëve, emri im është Rima Hassan. Jam franko-palestineze, në bordin e anijes humanitare që shkon në Gaza. Nëse e shihni këtë video, do të thotë që jemi ndaluar nga Izraeli ose nga vetëkënaqësia me forcë. Ne mbështetemi në mobilizimin tuaj për të ushtruar presion mbi qeverinë franceze që të na çlirojë.”, u shpreh anëtarja franceze e Parlamentit Evropian Rima Hassan.

 

Raportuesja speciale e Kombeve të Bashkuara (OKB) për Palestinën, Francesca Albanese, ndau në llogarinë e saj X se kishte kontaktuar kapitenin e anijes “Madleen” dhe se askush nuk ishte lënduar kur anija u ndalua.

 

“Dëgjova ushtarë që flisnin në telefon ndërsa kapiteni po fliste me mua. Lidhja u ndërpre kur ai tha ‘një varkë tjetër po afrohet… Unë këmbëngul se rrethimi është i paligjshëm. Dhe është i paligjshëm për të gjitha shtetet anëtare që kanë, ndër të tjera, detyrimin për të parandaluar gjenocidin.”, u shpreh raportuesja speciale e OKB-së, Francesca Albanese.

 

Edhe pse ministria e Jashtme izraelite tha se ata do të dërgohen në Gaza përmes kanaleve të sigurta humanitare, Ministri izraelit i Mbrojtjes, Israel Katz përshëndet konfiskimin e anijes së ndihmës Madleen në det gjatë natës.

 

“E përgëzoj IDF-në për kapjen e shpejtë dhe të sigurt të flotiljes Madleen, me qëllim që t'i parandaloj ata të thyejnë bllokadën dhe të arrijnë në brigjet e Gazës. I udhëzova IDF-in që t'u shfaqë pjesëmarrësve të flotiljes filmin horror të masakrës së 7 tetorit, kur të mbërrijnë në portin e Ashdodit. Është e përshtatshme që antisemitja Greta dhe mbështetësit e saj të Hamasit të shohin saktësisht se kush është organizata terroriste e Hamasit.”, tha Ministri izraelit i Mbrojtjes, Israel Katz.

 

Përndryshe, një grup aktivistësh izraelitë dhe të huaj u mblodhën në portin izraelit të Ashdodit, ku pritej të dërgohet anija "Madleen", duke mbajtur flamuj palestinezë dhe duke kërkuar heqjen e bllokadës së Rripit të Gazës dhe përfundimin e "gjenocidit".