Gjykimi për Vanja Gjorceska dhe Pance Zhezhoski, prokuroria shpalos fjalët përfundimtare

 

“Asnjë nga të akuzuarit nuk reagoi si qenie njerëzore pas vrasjes së Pançes për ta ndaluar atë, përkundrazi, ata vazhduan drejt një fëmije të klasës së nëntë me një çantë shpine, një fëmijë që as nuk kishte ëndërruar të gaboj ndaj të akuzuarve... Ata e vranë menjëherë. Asnjë grimë ndërgjegjeje, asnjë fije njerëzimi. Edhe ata janë prindër. Ata vranë një fëmijë të pafajshëm.”, tha prokurorja.

 

Prokururoria, nuk ka tërhequr akuzën ndaj babait të Vanja Gjorçeskës. Mbrojtja thekson se nuk është ofruar as një dëshmi për përfshirjen e tij në këtë ngjarje. Pret një vendim të drejtë gjyqësor.

 

“Nuk ekziston as një komunikim, e as çfarë do tjetër që do ta komprometonte babain apo do të tregonte lidhjen me këta njerëz për të cilët gjatë procedurës gjyqësore janë shpalosur dëshmi të mjaftueshme që një mbikëqyrës i thjeshtë mund të sjellë një përfundim se në këtë rast baza e akuzës për përfitim personal qëmoti ka rënë dhe këtu bëhet fjalë për diçka tjetër. Sipas meje për të krijuar frik dhe pasiguri tek popullata, posaçërisht në shkollat fillore.”, u shpreh avokati Vlladimir Tyfegxhiç.

 

Në aktakuzë qëndron se Lupço Palevski, Bore Videvski, Velibor Manev, Vlatko Keshishov dhe Aleksandar Gjorçevski, së bashku planifikuan rrëmbimin e 14-vjeçares Vanja me qëllim që të detyronin një anëtar të familjes së saj të ngushtë të jepte para për shpërblim. Rrëmbimi i të dëmtuarit, Pançe Zhezhovski, në Veles, sipas aktakuzës, ishte me qëllim që ta detyronin atë t’ua jepte automjetin e tij “Citroen” në mënyrë që ta përdornin atë për të rrëmbyer fëmijën në Shkup. Të akuzuarit gjatë gjykimit kanë deklaruar se nuk ndihen fajtorë.