Botë
Sulm masiv me dronë rus në Harkiv, 2 të vdekur e 54 të plagosur
11.06.2025 12:12
Të paktën dy persona janë vrarë dhe 54 të tjerë janë plagosur, përfshirë tre fëmijë...
Të paktën dy persona janë vrarë dhe 54 të tjerë janë plagosur, përfshirë tre fëmijë, nga sulmet e reja ruse në qytetin e Harkivit. Kryebashkiaku i qytetit Igor Terekhov njoftoi se sulme me dronë kishin ndodhur në dy lagje të qytetit.
"Gjashtë deri në shtatë sulme me dronë ndodhën në dy lagje të qytetit gjatë natës", tha Terekhov duke vënë në dukje disa minuta më vonë se "ka tashmë raportime për dy të vdekur".
Katër ditë më parë Harkivi, qyteti i dytë më i madh në Ukrainë, u godit nga raketa, dronë dhe bomba rrëshqitëse që vranë katër civilë dhe plagosën 40 të tjerë. Alarmi u ngrit edhe në Kiev, por nuk u dëgjuan shpërthime në qytet. Nuk është e qartë nëse ishte një devijim apo nëse pajisjet u kapën nga mbrojtja kundërajrore.