Regjistrimi në shkollat e mesme, të shtunën nis regjistrimi elektronik

 

Regjistrimi i nxënësve është me aplikim elektronik, nëpërmjet një linku deri në sistemin e shërbimeve elektronike të Ministrisë së Arsimit dhe Shkencës https://e-uslugi.mon.gov.mk/ me një hyrje të veçantë për nxënësit e shkollave të mesme nëpërmjet llogarive të tyre të përdorueseve në schools.mk. Pasi të përfundojë regjistrimi elektronik, nxënësit duhet të dorëzojnë dokumentacionin e nevojshëm në shkolla më 18 qershor (nga ora 8:00 deri në orën 19:00) dhe më 19 qershor (nga ora 8:00 deri në orën 17:00).

 

Lista përfundimtare e renditjes me rezultatet e regjistrimit dhe vendet e lira do të publikohet nga secila shkollë më 20 qershor 2025, jo më vonë se ora 12:00, në një vend publik në shkollë dhe/ose në ueb-faqen e shkollës. Në shkollat ku do të ketë një test kualifikimi, ai do të organizohet më 23 qershor 2025, kur do të publikohen edhe rezultatet. Në Konkursin e Ministrisë së Arsimit dhe Shkencës janë të theksuara edhe dokumentet e nevojshme për regjistrim në shkollat e mesme publike, si dhe udhëzime për zbatimin e tij.