Kazinot online, mbyllen 226 faqe të bixhozit

 

“Deri dje BDI ndërtonte perandori bixhozi mbi varfërinë dhe dëshpërimin e shqiptarëve, sot VLEN po i rrënon këto perandori të krimit dhe po ndërton të ardhmen. Dua t’iu bëj thirrje të gjithë qytetarëve, e sidomos të rinjve, mos bini pre e imejllave mashtrues, mos luani me fatin tuaj në platformat ilegale. Nëse keni mjete të depozituara në këto faqe, tërhiqni ato sa më shpejtë. Shteti po vepron dhe këto platforma nuk do të ekzistojnë më.”, u shpreh zëvendës kryeministri i parë Izet Mexhiti.

 

Mexhiti tha se kah fundi është edhe ligji për lojrat e fatit, i cili për 70% do të jetë më rigoroz.

 

 

Nga koalicioni VLEN kanë informuar edhe për punësimin e 38 shqiptarëve në Drejtorinë e Librave Amë.

 

“Punësimet e qytetarëve tanë tashmë kanë filluar, ky hov nuk ndalet dot. Bllokadat e sponsorizuara nga BDI përmes Taravarit morën fund. Tani çdo ditë e më shumë rritet numri i shqiptarëve që po punësohen në institucione të shumta. Po me këtë ritëm do të vazhdojmë akoma. Ne punësojmë sepse qytetarët tanë janë të aftë për të punuar. Punësimet tona nuk bëhen me kushtëzime e mito, por mbi bazën e meritës dhe parimit që njeriu i duhur në vendin e duhur.”, thonë nga koalicioni VLEN.

 

 

ASH e Arben Taravarit konsideron se 38 punësimet nuk mbulojnë largimin e 800 shqiptarëve nga puna.

 

• Në Ministrinë e Financave u punësuan 19 maqedonas deh asnjë shqiptarë.”, thonë nga ASH krahu i Taravarit.

 

Aleanca për Shqiptarët kërkon hetim të pavarur për rastet e punësimeve dhe largimeve nga puna mbi baza etnike si dhe përfshirje të përfaqësuesve ndërkombëtarë në monitorimin e barazisë në punësim.