Deklaratë e përbashkët e G7-ës: Irani nuk duhet të ketë kurrë armë bërthamore

 

Anëtarët e G7-ës gjithashtu bëjnë thirrje për një zgjidhje të krizës iraniane që do të ulte plotësisht armiqësitë në Lindjen e Mesme, duke përfshirë një armëpushim në Rripin e Gazës. Presidenti i ShBA-së, Donald Tramp, u largua nga samiti më herët se sa ishte njoftuar. Shtëpia e Bardhë shpjegoi gjithçka duke thënë se ai duhej të shkonte urgjentisht në Uashington për t’u përqendruar më tej në problemet në Lindjen e Mesme. Më parë në samit, Tramp, deklaroi se përjashtimi i Rusisë nga ky grup ishte një gabim i madh dhe se ai mendonte se lufta në Ukrainë sot nuk do të kishte ndodhur nëse Rusia do të kishte qenë ende në këtë rreth vendesh dhe do të ishte pjesë e grupit G8, i cili zgjati nga viti 2002 deri në vitin 2014. Pas përjashtimit të Rusisë, grupi G7 përbëhet nga ShBA-ja, Kanadaja, Britania e Madhe, Gjermania, Franca, Italia dhe Japonia.