Përfundoi gjykimi kundër Ramiz Merkos, vendimi pritet të merret nesër

 

“Kryetari i komunës veproi në kundërshtim me ligjin për shkollat fillore.”, - theksoi prokurori, Xhemal Lloga.

 

Nga ana tjetër, avokati i Merkos, Igor Petkovski, deklaroi se organi i akuzës nuk ka paraqitur prova bindëse që vërtetojnë fajësinë e klientit të tij. Ai tha se Merko nuk ka pasur asnjë qëllim për përfitim personal apo dëm ndaj institucioneve, por ka vepruar me synimin për të garantuar vazhdimësinë e procesit mësimor. Seancën e kryesoi gjykatësi Jordan Jovanov, i cili njoftoi se aktgjykimi për këtë rast do të shpallet ditën e nesërme.

 

“Të gjitha i kemi në fazën përfundimtare, në rastin e Veleshtës duhet të dëgjojmë një dëshmitar nga të pandehurit. Në rastin e “Vëllezërit Milladinov”, akuzohet vetëm një këshilltar teknik, që do të thotë se ka gjykata për një seancë dëgjimore të caktuar në korrik dhe që duhet të përfundojë.”, - u shpreh gjykatësi, Jordan Jovanov.

 

Prokuroria argumentoi se këto veprime përbëjnë abuzim me kompetencat dhe kanë dëmtuar funksionimin e rregullt të institucioneve arsimore. Sipas tyre, Merko ka emëruar drejtorë të përkohshëm pa pasur miratim nga këshillat e  shkollave, pa organizuar konkurs publik dhe pa respektuar kriteret ligjore për pozicionin.