Qeveri, miratohet propozim-ribalanci i buxhetit

“Janë siguruar mjete shtesë për pagesën e pensioneve të rritura, kostot kalimtare dhe, më e rëndësishmja, sigurimin e 300 milionë denarëve shtesë për shpenzimet kapitale. Shpenzimet kapitale janë planifikuar të arrijnë në 47.5 miliardë denarë dhe ndryshimet kanë për qëllim shtimin e mjeteve për të nxitur zbatimin e projekteve, siç është konfirmuar tashmë nga zbatimi i mirë, kryesisht në Ministrinë e Mbrojtjes.”, bëri të ditur ministrja e Financave, Dimitrieska Koçoska.

 

Sipas saj, me rishikimin e buxhetit do të arrihet rritja e parashikuar prej 3.7%, ndërsa  inflacioni është parashikuar në nivel prej 2.8%.  Të ardhurat e përgjithshme janë planifikuar në 362.4 miliardë denarë, ndërsa shpenzimet kapitale 47.5 miliardë denarë. Deficiti buxhetor mbetet i pandryshuar, 41.3 miliardë denarë ose 4% e BPV-së, derisa borxhi publik deri në fund të vitit do të arrijë në rreth 62.1%.