Hagë, të martën fillon samiti i NATO-s, në tavolinë, draft-raporti për RMV-në

 

Raporti që Weitz i paraqiti Komitetit të Punëve të Jashtme të PE-së, shpreh nevojën dhe angazhimin e vendit ndaj procesit të integrimit evropian dhe përafrimit me politikat e BE-së. Në të njëjtën kohë, ai bën thirrje për përparim të shpejtë në negociatat dhe zbatimin e ndryshimeve kushtetuese. Përveç kësaj, draft-dokumenti përmban disa referenca për njohjen e gjuhës dhe identitetit maqedonas. Përmbajtja e raportit është pranuar dhe interpretuar ndryshe në Maqedoni dhe Bullgari.

 

Për kryeministrin Hristijan Mickoski, raporti pasqyron realitetin e përparimit të vendit. Ai pret që i njejti të miratohet, i shoqëruar nga një mesazh i qartë në mbrojtje të identitetit maqedonas. Nga ana tjetër, diplomacia bullgare e konsideron raportin si diskutabil dhe përfshin pika të papranueshme për Bullgarinë. Kreu i qeverisë, Mickovski  dite më pare ka deklaruar që ka sinjale pozitive për përparimin e vendit, duke shtuar se kishte marrë informacione për presione të reja nga Sofja në lidhje me rreziqet e supozuara nëse raporti do të votohej.