Armëpushimi Izrael - Iran në këmbë të qelqta, Izraeli: Irani ka shkelur marrëveshjen

 

“Po theksoj se në këtë fazë nuk ka ndryshime në udhëzimet e komandës së frontit shtëpiak. Është e rëndësishme që të vazhdojmë me përcjelljen e udhëzimeve, sepse akoma ekziston rreziku. E gjithë mbrojtja izraelite, komandat dhe gardat vazhdojnë të qëndrojnë në gatishmëri të plotë.”, - deklaroi zëdhënësi i Mbrojtjes izraelite, Efi Deferin. 

 

 

Presidenti amerikan Donald Tramp ndërhyri publikisht përmes një postimi në rrjetin e tij Truth Social, duke kërkuar nga Izraeli të mos vazhdojë sulmet.

 

“Izrael, mos i hidh ato bomba. Nëse e bën, është një shkelje e rëndë. Ktheji pilotët në shtëpi, tani!”, shkroi Trampi. 

 

 

Bashkësia ndërkombëtare menjëherë e ka përshëndetur armëpushimin izraelito - iraniane, por paralajmëroi për një përshkallëzim të rrezikshëm nëse kërcënimet dhe armiqësitë nuk ndalen.

 

“Tani Irani nuk është në gjendje të prodhojë armë bërthamore me pajisjet që ka, sepse ne i kemi shkatërruar ato. Kjo është një gjë shumë, shumë e madhe. Kjo do të thotë se duhet të bisedojmë me Iranin dhe, natyrisht, me Izraelin për atë që sjell e ardhmja, sepse megjithëse e kemi shkatërruar programin bërthamor iranian, shpresa dhe pritshmëria jonë është të ndërtojmë një marrëveshje afatgjatë për paqe në këtë rajon.”, - deklaroi nënpresidenti i ShBA-së, J.D. Vance.

 

“Po përballemi me një spirale dhune që e vë rajonin në rrezik dhe mund të ketë pasoja shumë serioze. Prandaj, bëjmë thirrje për përmbajtje, ndaljen e sulmeve nga të gjitha palët dhe rikthimin në negociata.”, - theksoi ministri i Jashtëm i Francës, Zhan-Noel Barro.

 

“Dëshirojmë të shohim dialog dhe diplomaci si zëvendësim për çdo përshkallëzim dhe e mirëpresim me kënaqësi njoftimin e presidentit Tramp.”, - u shpreh kryeministri i Australisë, Entoni Albanese.

 

“Japonia konsideron se deeskalimi i situatës është çështja më e rëndësishme. Jemi jashtëzakonisht të shqetësuar për çdo akt hakmarrjeje dhe shpresojmë vazhdimisht që të rihapet rruga për dialog, përfshirë edhe bisedimet ndërmjet ShBA-së dhe Iranit.”, - deklaroi sekretari i Kabinetit qeveritar japonez, Joshimasa Hajashi.

 

Lufta filloi me sulmin e Izraelit ndaj Iranit më 13 qershor. Tel Avivi pretendonte se dëshironte të parandalonte Teheranin nga ndërtimi i një bombe bërthamore. Irani u kundërpërgjigj me sulme, ndërsa ShBA-ja u përfshi në luftë të shtunën, me sulme mbi tre objekte bërthamore iraniane, pas të cilave Teherani u kundërpërgjigj me sulme ndaj një baze ushtarake amerikane në Katar.