Macron: Franca po kryen hetimin e saj për dëmtimin e objekteve bërthamore të Iranit

Franca po kryen vlerësimin e vet të dëmit të shkaktuar në objektet bërthamore të Iranit pas sulmeve të SHBA-së dhe Izraelit , sipas asaj që tha Emmanuel Macron.

 

Në këtë kontekst, Presidenti francez do të takohet sot në Paris me Drejtorin e Përgjithshëm të Agjencisë Ndërkombëtare të Energjisë Atomike (IAEA), Rafael Grossi.

 

Qëllimi i takimit, i cili do të zhvillohet në pallatin presidencial francez, është – sipas një deklarate nga Elizeja – “të shqyrtojë gjendjen e programit iranian pas sulmeve izraelite dhe amerikane në objektet kryesore bërthamore të Iranit”.

 

Ata do të diskutojnë gjithashtu gjendjen e programit bërthamor iranian, rreziqet radiologjike, rolin e Organizatës dhe mënyrat për të siguruar pajtueshmërinë e plotë të Iranit me standardet e mospërhapjes bërthamore, tha Pallati Elizeja.

 

Presidenti francez do të përsërisë mbështetjen e tij për Rafael Grossi dhe IAEA-në në lidhje me sigurimin e sigurisë bërthamore në të gjithë botën, raporton pala franceze.