Botë
Bruksel, sanksionet e reja ndaj Rusisë, në tryezën e BE-së
26.06.2025 11:21
Krerët e 27 vendeve anëtare të Bashkimit Evropian do të takohen të enjten në Bruksel për të diskutuar sanksione më të ashpra ndaj Rusisë...
Krerët e 27 vendeve anëtare të Bashkimit Evropian do të takohen të enjten në Bruksel për të diskutuar sanksione më të ashpra ndaj Rusisë, mënyrat për të parandaluar tarifat e reja të dhimbshme të ShBA-së dhe si t’i bëjnë zërat e tyre të dëgjohen në konfliktet e Lindjes së Mesme.
Shumica e udhëheqësve do të vijnë nga një samit i shkurtër, por intensiv i NATO-s, ku ata premtuan një rritje të madhe të shpenzimeve të mbrojtjes dhe mbuluan disa nga mosmarrëveshjet e tyre me presidentin amerikan, Donald Tramp. Anëtarët do të diskutojnë një raund të 18-të sanksionesh kundër Rusisë dhe nëse do të mbahet një kufizim çmimesh për naftën ruse, masa që disa vende i kundërshtojnë, sepse mund të rrisin çmimet e energjisë. Ndërkohë, tarifat e kërcënuara të Trampit po peshojnë mbi BE-në, e cila negocion marrëveshje tregtare në emër të të gjitha 27 vendeve anëtare. Presidenti i Francës e kritikoi Trampin për nisjen e një lufte tregtare me aleatët e hershëm. Udhëheqësit evropianë janë gjithashtu të shqetësuar për pasojat e luftërave në Lindjen e Mesme dhe BE-ja po shtyn përpara për të ringjallur negociatat diplomatike me Iranin mbi programin e tij bërthamor.