Kuvendi i Shqipërisë, shkëmbim akuzash mes PD-së dhe PS-së për zgjedhjet

 

“Ju nuk festuat dot fitoren kallp me farsë, sepse këtë verë në Bruksel, në Strasburg dhe në të gjitha forumet ndërkombëtare u damkosët si një grup i shkrirë në një me kartelet e drogës. Ku është ajo Sara, as Zeqineja nuk kanë ardhur këtu. Pra, në qoftë se në Shqipëri u zhvillua farsa më e shëmtuar elektorale, ajo pati pasqyrimin më damkosës në botë. Petro, kush të nxori ty nga Parlamenti?”, - theksoi kreu i PD-së, Sali Berisha.

 

“Je i fundit që mund të flasësh për zgjedhje të lira, të të vijë turp.”, - u shpreh deputeti i PS-së, Petro Koçi.

 

Akuzave për zgjedhjet, socialistët ia kthyen duke i kujtuar dështimet, që sipas tyre ia konfirmoi edhe rinumërimi i votave.

 

“Rinumërimi, të njëjtën fitore të madhe, të njëjtën humbje madhështore. Vazhdoni ta njollosni Shqipërinë pa iu dridhur fare qerpiku.”, - theksoi deputeti i PS-së, Toni Gogu.

 

“Rinumërimi po bëhet, po harxhohen para, deri tani 200 milionë lekë e kusur, edhe pse më duhet ta them se kjo është diçka e mirë. Kur të ngremë komisionin e ri të reformës të adresojmë qartë rekomandimet e ndërkombëtare, t’i depolitizojmë komisionet. Fakti që kjo pjesa këtu s’ka më besim te numëruesit e vet, por te komisionari për zgjedhjet, është një hap i rëndësishëm që duhet përshëndetur. Si ka mundësi që ndodh e njëjta gjë, edhe në 2017-ën, edhe në vitin 2021, edhe në vitin 2025, Ju për ne jeni fat i madh, por për Shqipërinë jeni fat i zi.”, - deklaroi ministri për Parlamentin, Taulant Balla.

 

Në fillim të seancës, deputetët demokratë akuzuan kryeparlamentaren Spiropali se po shkel Kushtetutën me shtyrjen për në shtator të raportimit të institucioneve të pavarura.